ຊຸກຍູ້ວຽກງານສ້າງພະລາທິການກັບທີ່ ຢູ່ໂຮງຮຽນກໍ່ສ້າງນາຍສິບ ເລກ 1
ສະຫາຍ ພັນໂທ ບົວແກ້ວ ກິ່ງບຸດດີ ຫົວໜ້າຫ້ອງພະລາທິການໂຮງຮຽນກໍ່ສ້າງນາຍສິບ ເລກ 1 ຍົກໃຫ້ເຫັນຂໍ້ສະດວກ, ຂໍ້ຫຍຸ້ງ
ຍາກ ໃນໂອກາດທີ່ສະຫາຍ ພັນໂທ ພູວົງ ລັດສະໝີ ຫົວໜ້າພະແນກແຜນການ-ສັງລວມ ກົມເສນາພະລາ ກົມໃຫຍ່ພະລາທິການກອງ
ທັບ ພ້ອມດ້ວຍຄະນະໄດ້ເຄື່ອນໄຫວ ເກັບກຳຂໍ້ມູນວຽກງານພະລາທິການຮອບດ້ານ ຢູ່ໂຮງຮຽນກໍ່ສ້າງນາຍສິບ ເລກ 1 ວ່າ: ຍາມໃດ
ຄະນະພັກ-ຄະນະອຳນວຍການໂຮງຮຽນ ກໍຄື: ຫ້ອງພະລາທິການໂຮງຮຽນກໍ່ສ້າງນາຍສິບ ເລກ 1 ກໍໄດ້ເອົາ ໃຈໃສ່ນຳພາ-ຊີ້ນໍາປະຕິບັດ
ຕາມທິດຊີ້ນຳຂອງຂັ້ນເທິງໃນການຄຸ້ມຄອງລາຍຮັບ-ລາຍຈ່າຍ ໃນແຕ່ລະເດືອນ, ແຕ່ລະງວດຕິດພັນກັບວຽກງານຕົວຈິງ ໂດຍສະເພາະ
ວຽກງານຮັບປະກັນໃຫ້ແກ່ການເຄື່ອນໄຫວເຮັດໃຫ້ສະພາບມີຄວາມສະຫງົບ, ຊີ້ນຳບັນດາອົງການ, ກົມກອງຮາກຖານທີ່ກ່ຽວຂ້ອງຈັດ
ຕັ້ງຮັບ ປະກັນວຽກງານພະລາທິການຮອບດ້ານ ຕິດຕາມກຳແໜ້ນສະພາບການທີ່ຜັນແປໃນແຕ່ລະໄລຍະຢ່າງໃກ້ຊິດ ເພື່ອກຽມພ້ອມ
ແລະ ຮັບປະກັນວຽກງານພະລາທິການ ຮັບປະກັນໃຫ້ແກ່ການຮຽນ-ການສອນຂອງນັກຮຽນ ທັງ 3 ລະບົບ ແລະ ປະສານສົມທົບກັບ
ພະແນກການ-ກອງຮ້ອຍ ທີ່ມີການພົວພັນໂດຍກົງຕໍ່ການເບີກຈ່າຍການກິນ, ການດື່ມ, ດ້ານສຸຂະພາບ, ສຸຂະອະນາໄມໃຫ້ແກ່ພະນັກ
ງານ-ນັກຮົບ ໂດຍສະເພາະແມ່ນຮັບປະກັນຢູ່ພາກສະໜາມຫັດແອບຂອງນັກຮຽນໃຫ້ມີຄວາມສະດວກ. ນອກຈາກນັ້ນ , ຍັງໄດ້ປັບປຸງ
ເຄຫະສະຖານຫ້ອງການ, ສະໂມສອນ, ສະໝາມຫັດແອບ, ລະບົບນ້ຳດື່ມ-ນ້ຳໃຊ້ ແລະ ຊຸກຍູ້ໃຫ້ກົມກອງສ້າງພະລາທິການກັບທີ່ຕາມ
ທິດເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ຕາມເງື່ອນໄຂທ່າແຮງບົ່ມຊ້ອນຂອງຕົນ ໃນນີ້, ໄດ້ເຮັດສວນປູກມັນ
ຕົ້ນ 1 ຕອນ ເນື້ອທີ່ 2.400 ຕາແມັດ ປູກມັນຕົ້ນໄດ້ 3.465 ຕົ້ນ, ຜະລິດນ້ຳດື່ມ 28.776 ຕຸກ ຄິດເປັນເງິນ 142.176.000 ກີບ, ປູກ
ຢາງພາລາ 570 ຕົ້ນ ເກັບກູ້ຂາຍເປັນເງິນໄດ້ 19.000.000 ກີບ, ເຮັດນາ 1 ເຮັກຕາກວ່າ ໄດ້ເຂົ້າ 2 ໂຕນກວ່າ ແລະ ມີງົວລ້ຽງ 48 ໂຕ.
ແຫຼ່ງທີ່ມາ: ນ້ອຍຈັນໄພ ແກ້ວວັນເຮືອງ
ວັນທີ 05/01/2024